کراچی:(دنیا نیوز) شہر قائد میں جامعہ کراچی خودکش دھماکہ کیس کی تفتیش میں اہم پیش رفت ہوئی ہے، تحقیقاتی اداروں نے حملہ آور کی معاون خاتون کا خاکہ تیار کرلیا ہے اور تلاش کے لئے شہریوں سے مدد کی اپیل بھی کردی گئی ہے۔
تحقیقاتی اداروں کے ماہرین نے خاکہ عینی شاہدین کی معاونت سے تیار کیا، تفتیش کاروں کے مطابق ممکنہ خاتون نے لفٹ دینے والے شخص سے پانچ سو روپے کی مدد مانگی تھی، ہوسکتا ہے کہ خودکش حملہ آور سے ملاقات بھی مدد حاصل کرنے کے لئے کی ہو۔
حکام کے مطابق خاتون کی تلاش میں عام شہریوں سے مدد کی اپیل کی گئی ہے، خاتون یا ان کے اہل خانہ بھی تحقیقاتی اداروں کے سامنے خود پیش ہوسکتے ہیں۔
