کوئٹہ : (دنیانیوز) بلوچستان کے ضلع جھل مگسی میں مسلح ڈاکوؤں نے باراتیوں کی وین پر فائرنگ کردی جس کے نتیجے میں چار افراد جاں بحق ہوگئے ۔
پولیس کے مطابق باراتیوں سے بھری وین پر فائرنگ کے افسوس ناک واقعے میں قتل ہونیوالے چار افراد میں خاتون اور بچہ بھی شامل ہیں جبکہ 5 افراد زخمی ہوئے ہیں۔
واقعے کی اطلاع ملتے ہی پولیس موقع پر پہنچ گئی ،فائرنگ سے زخمی ہونیوالوں میں 3 افراد کی حالت تشویشناک بتائی جارہی ہیں۔
پولیس کی جانب سے جاں بحق افراد اور زخمیوں کو ڈی ایچ کیو ہسپتال منتقل کردیا گیا ہے ۔
