گوجرانوالہ: (دنیا نیوز) نامعلوم افراد نے ہسپتال کے سامنے کار پر شدید فائرنگ کی جس کے نتیجے میں ایک شخص موقع پر ہی جاں بحق ہوگیا۔
پولیس ذرائع کے مطابق کمشنر روڈ پر ڈی ایچ کیو ہسپتال کے بالمقابل کار پر نامعلوم افراد کی جانب سے شدید فائرنگ کی گئی، کار میں 3 افراد سوار تھے، پولیس نے موقع پر پہنچ کر ایک مسلح نوجوان کو گرفتار کر لیا۔
کار میں سوار ایک شخص ہلاک جبکہ دوسرا شدید زخمی ہوگیا، زخمی شخص کو ہسپتال منتقل کر دیا گیا ہے جہاں اس کی حالت تشویشناک بتائی جا رہی ہے جبکہ حادثے میں تیسرا شخص محفوظ رہا۔
