نصیر آباد: (دنیانیوز) ڈسٹرکٹ جیل کے باہر قیدی وین پر مسلح افراد کی فائرنگ سے ایک قیدی جاں بحق جبکہ 3 پولیس اہلکار زخمی ہو گئے۔
تفصیلات کے مطابق واقعہ کی اطلاع پر پولیس کی بھاری نفری ڈسٹرکٹ جیل پہنچ گئی ، جوابی فائرنگ سے ایک حملہ آور مارا گیا جبکہ دوسرا زخمی حالت میں گرفتار کرلیا گیا ۔
پولیس کا بتانا ہے قیدیوں کو وین میں عدالت پیش کرنے کیلئے لایا جا رہا تھا، زخمیوں کو ابتدائی طبی امداد کیلئے ہسپتال منتقل کردیا گیا ۔
