کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں کے دوران بھاری مقدار میں منشیات برآمد کر کے 11 ملزمان گرفتار کر لئے۔
ترجمان اے این ایف کے مطابق 13 مختلف مقامات پر کارروائیاں کی گئیں جن میں ملتان، فیصل آباد، سیالکوٹ، اسلام آباد، لاہور، کراچی، چاغی، تراکئی، شیخوپورہ اور جامشورو شامل ہیں۔
حکام کے مطابق کارروائیوں میں 63.83 کلو گرام منشیات برآمد کی گئی، کارروائی کے دوران 5 کلو 930 گرام چرس، 6 کلو 10 گرام آئس، 49 کلو 400 گرام افیون، 4 کلو 40 گرام ہیروئن، 850 گرام ویڈ برآمد ہوئی۔
ترجمان اے این ایف کا کہنا ہے کہ گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
