فیصل آباد:(دنیا نیوز) پنجاب کے ضلع فیصل آباد کے تھانہ سرگودھا روڈ پولیس نے کارروائی کے دوران تعلیمی اداروں میں منشیات سپلائی کرنے والے نیٹ ورک کا سرغنہ گرفتار کرلیا۔
پولیس کا کہنا ہے کہ گرفتار ملزم کے قبضے سے دو کلوگرام سے زائد آئس برآمد کر لی گئی، ملزم کے انکشاف پر مزید ملزمان کی گرفتاریوں کیلئے کارروائیاں جاری ہیں۔
پولیس نے مزید بتایا کہ ملزم نے منظم نیٹ ورک بنا رکھا تھا جو تعلیمی اداروں میں منشیات سپلائی کرتا تھا، ملزم آن لائن منشیات فروخت کے دھندے میں بھی ملوث تھا، جس سے مزید تفتیش جاری ہے۔
