سرگودھا: (دنیا نیوز) ادویات کی آڑ میں شراب سمگلنگ کی بڑی کوشش ناکام بنا دی گئی۔
تھانہ سیٹلائٹ ٹاؤن پولیس نے ادویات فروخت کرنے کی آڑ میں منشیات سمگلنگ کرنے والا پانچ رکنی گروہ کو گرفتار کر کے بھاری مقدار میں شراب برآمد کرلی۔
پولیس حکام کے مطابق گرفتار ملزمان کا تعلق ضلع لاہور،فیصل آباد اور سرگودھا سے ہے، منشیات سمگلنگ کے لیے استعمال کی جانے والی تین گاڑیاں بھی قبضہ میں لے لی گئی ہیں۔
گرفتار ملزمان کے قبضہ سے 1380 بوتلیں کل 690 لٹر شراب برآمد کی گئی، گرفتار منشیات فروش کے خلاف منشیات سمگلنگ کی دفعات کے تحت مقدمہ درج کرلیا گیا ہے۔
