لاہور: (دنیا نیوز) دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں 166 انٹیلی جنس بیسڈ آپریشن کئے اور 11 دہشت گردوں کو گرفتار کر لیا۔
ترجمان سی ٹی ڈی کے مطابق کارروائیاں سرگودھا، راولپنڈی، پاک پتن، گجرات، چکوال، بہاولپور، بہاول نگر، فیصل آباد میں کی گئیں۔
دوران کارروائی میانوالی سے ٹی ٹی پی کا خطرناک دہشت گرد بارودی مواد سمیت گرفتار کر لیا گیا، دیگر دہشت گردوں سے دھماکہ خیز مواد، آئی ای ڈی بم، 2 ڈیٹونیٹر، 19.حفاظتی فیوز، تار 26 فٹ، پمفلٹ، نقدی، پرائمہ کارڈ برآمد ہوئے۔
ترجمان سی ٹی ڈی کے مطابق دہشت گردوں کی شناخت حیدر سلطان، ولی رحمان، زبیر، امین، اکبر، مقصود خان، عمیر، ظفر اقبال، ابراہیم قاسمی، محب اللہ، صدام حسین کے نام سے ہوئی۔
حکام کے مطابق دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے ، رواں ہفتے میں 1475 کومبنگ آپریشنز کے دوران422 مشتبہ افراد گرفتار کیے۔
سی ٹی ڈی حکام کے مطابق کومبنگ آپریشنز میں 61603 افراد سے پوچھ گچھ کی گئی، سی ٹی ڈی محفوظ پنجاب کے ہدف پر عمل پیرا ہے، دہشت گردی کے ناسور کو جڑ سے اکھاڑ پھینکنے کے لیے پُرعزم ہیں۔
