اسلام آباد:(دنیا نیوز) جعلی ویزوں پر برطانیہ سیٹل ہونے کی کوشش کے مقدمے میں ایف آئی اے نے گرفتار 25 طلبہ عدالت میں پیش کردیئے۔
ملزمان کو جوڈیشل مجسٹریٹ احمد شہزاد گوندل کی عدالت میں پیش کیا گیا، عدالت نے تمام ملزمان کو 14 دن کے جوڈیشل ریمانڈ پر جیل بھیجنے کا حکم دے دیا۔
ملزمان پر پاسپورٹ ٹیمپرڈ کرکے برطانیہ جانے اور وہاں سیٹل ہونے کی کوششوں کا الزام ہے۔
دوسری جانب ملزمان کی جانب سے ضمانت بعد از گرفتاری کی درخواستیں دائر کردی گئیں، عدالت نے فریقین کو نوٹس کرتے ہوئے سماعت ملتوی کردی، کیس کی اگلی سماعت پر وکلاء کی جانب سے دلائل دیئے جائیں گے۔
عدالت نے کیس کی سماعت 24 مارچ تک ملتوی کردی، ملزمان کے خلاف ایف آئی اے میں مقدمہ درج ہے۔
