راولپنڈی: (ویب ڈیسک) عدالت نے راولپنڈی میں سوتیلی بہن سے زیادتی اور بہیمانہ قتل کرنے والے بھائی کو دو بار سزائے موت اور 7 سال قید کی سزا سنادی۔
مقامی عدالت میں ایڈشنل سیشن افشاں اعجاز صوفی نے سوتیلی بہن سے زیادتی کرنے والے مجرم اظہر کو جرم ثابت ہونے سزا سنائی، عدالت نے فیصلے میں لکھا کہ مجرم کو اس وقت تک پھانسی کے پھندے پر لٹکائے رکھا جائے جب تک موت نہ ہو۔
عدالت نے قتل کے جرم پر 2 لاکھ اور زیادتی کرنے پر 1 لاکھ روپے جرمانے کی سزا بھی سنائی، عدالت نے زیادتی اور قتل کے شواہد مٹانے کے جرم میں 7 سال قید 1 لاکھ روپے جرمانے کی سزا بھی سنائی ہے۔
استغاثہ کے مطابق مجرم سوتیلے بھائی اظہر نے سوتیلی بہن نمرہ سے پہلے زیادتی کی اور پھر اس کو بہیمانہ طریقے سے قتل کیا تھا، تھانہ روات پولیس نے 25اگست 2023ء کو مقدمہ درج کیا تھا۔
عدالت سے سزا سنائے جانے کے بعد مجرم کو جیل منتقل کردیا گیا۔
