لاہور: (دنیا نیوز) کرائم کنٹرول ڈیپارٹمنٹ (سی سی ڈی) کے رات گئے تھانہ چوہنگ کے علاقے میں مبینہ مقابلے کے دوران زیرِحراست ملزم جاوید ہلاک ہو گیا۔
ذرائع کے مطابق سی سی ڈی اہلکار ملزم جاوید کو ریکوری کیلئے لے کر گئے تھے کہ اسی دوران گھات لگائے ملزم کے ساتھیوں نے اسے چھڑوانے کے لیے فائرنگ کر دی، ساتھیوں کی فائرنگ سے زیرِحراست ملزم ہلاک ہو گیا۔
واقعے کے بعد ملزم کے ساتھی اندھیرے کا فائدہ اٹھاتے ہوئے موقع سے فرار ہونے میں کامیاب ہو گئے، ہلاک ملزم جاوید منشیات فروشی کے ساتھ ساتھ قتل، ڈکیتی اور دیگر سنگین وارداتوں میں ملوث تھا، پولیس نے علاقے کو گھیرے میں لے کر فرار ہونے والے ملزمان کی تلاش شروع کر دی ہے جبکہ واقعے کی مزید تحقیقات جاری ہیں۔
