تازہ ترین
  • بریکنگ :- چاہتاہوں 25 مئی کو پوری قوم نکلے ،چیئرمین تحریک انصاف
  • بریکنگ :- حقیقی آزادی مارچ کیلئے اسلام آباد سری نگر ہائی وے پر جمع ہوں،عمران خان
  • بریکنگ :- سری نگر ہائی وے پر آپ سےسہ پہر 3 بجے ملوں گا،عمران خان
  • بریکنگ :- انشااللہ خیبرپختونخواسے مارچ کی قیادت کروں گا،عمران خان

کورونا وائرس: علی ظفر کا قرنطینہ کے دوران دماغی و جسمانی طور پر فٹ رہنے کی ضرورت پر زور

Last Updated On 31 March,2020 07:16 pm

لاہور: (ویب ڈیسک) پاکستان میں کورونا وائرس کے باعث ملک میں کیسز کی تعداد بڑھتی جا رہی ہے وہیں پر کرکٹ سے تعلق رکھنے والے کھلاڑی ایک دوسرے کو پش اپس کا چیلنج کر رہے ہیں، اسی دوران شوبز سے تعلق رکھنے والی شخصیت بھی سامنے آ گئی ہے، معروف گلوکار علی ظفر نے قرنطینہ کے دوران دماغی و جسمانی طور پر فٹ رہنے کی ضرورت پر زور دیا ہے

سماجی رابطے کی ویب سائٹ انسٹاگرام پر گلوکار علی ظفر نے ایک تصویر شیئر کی جس میں وہ اپنے گھر کے جم میں نظر آرہے ہیں۔

انسٹا گرام پر اپنی پوسٹ میں علی ظفر نے لکھا کہ اپنے گھر میں جو بھی مشین آپ کو میسر ہے اس سے ورزش ضرور کریں، آپ کو آن لائن بہت سے ٹیوٹوریلز مل جائیں گے جو بتائیں گے کہ قرنطینہ یا سیلف آئسولیشن کے دوران فٹ کیسے رہا جائے۔

انہوں نے مزید لکھا کہ ہم سب مل کر اس وبا سے کسی سپر ہیرو کی طرح لڑیں گے، آپ کا فیورٹ سپر ہیرو کون سا ہے؟

یاد رہے کہ کرونا وائرس کی وجہ دنیا بھر میں لوگ گھروں میں بند ہونے پر مجبور ہوگئے ہیں، ایسے میں فنکاروں سمیت ہر شخص نئے نئے مشغلے اپنا کر اور اپنے مختلف شوق پورے کر کے اپنا وقت گزار رہا ہے۔