تازہ ترین
  • National :- قائدحزب اختلاف شہبازشریف کااسپیکرقومی اسمبلی اسدقیصرکوخط
  • National :- اسپیکرسےمیڈیاکوپارلیمنٹ تک رسائی دینےاورحائل رکاوٹیں دورکرنےکامطالبہ
  • National :- کوروناوبا کی تیسری لہرکےبعد اب پارلیمنٹ پوری طرح فعال ہوچکی،خط
  • National :- شہبازشریف کا چیف الیکشن کمشنرسکندرسلطان راجہ کوخط

اداکارہ مرینہ خان کا کورونا ٹیسٹ مثبت، خود کو قرنطینہ کر لیا

Published On 30 April,2021 04:41 pm

لاہور: (ویب ڈیسک) پاکستانی ڈرامہ انڈسٹری کی معروف اداکارہ مرینہ خان کا بھی کورونا وائرس ٹیسٹ مثبت آ گیا۔

واضح رہے کہ اداکارہ ماہرہ خان، ندا یاسر، یاسر نواز، علی عباس، علی رحمان خان، امیر گیلانی، صحیفہ جبار، علیزے شاہ، نعمان سمیع، روبینہ اشرف، ابرارالحق، واسع چوہدری، نوید رضا، شفاعت علی، سلمان احمد، عثمان مختار اور جواد احمد سمیت کئی پاکستانی فنکار کورونا وائرس کا شکار ہوچکے ہیں۔

’’تنہائیاں‘‘ اور ’’دھوپ کنارے‘‘ جیسے کامیاب ڈراموں میں کام کرنے والی اداکارہ مرینہ خان نے اپنا کورونا کا ٹیسٹ مثبت آنے کی خبر ویڈیو پیغام کے ذریعے دی۔

اداکارہ نے یہ بھی بتایا کہ انہوں نے خود کو 14 دنوں کے لیے اپنے کمرے میں آئسولیٹ کرلیا ہے۔

اداکارہ مرینہ خان نے کورونا وائرس کے حوالے سے پھیلی قیاس آرائیوں کہ کورونا کچھ نہیں ہوتا وغیرہ کو بے بنیاد قرار دیتے ہوئے کہا کہ انہوں نے بھی پہلے کورونا کو سنجیدہ نہیں لیا تھا لیکن اب جب وہ خود اس خطرناک وائرس کا شکار ہوگئی ہیں تو ان کی طبعیت بہت خراب ہے۔

اداکارہ مرینہ خان نے کورونا کی علامات بتاتے ہوئے کہا کہ کورونا ایک حقیقت ہے مجھے کورونا کی وجہ سے بار بار بخار چڑھتا ہے، اترتا ہے، سر میں بھی درد رہتا ہے لیکن شکر ہے اب سر کا درد کم ہوگیا ہے۔