تازہ ترین
  • بریکنگ :- حیدرآباد سمیت سندھ بھرمیں لمپی وائرس کے کیسز میں اضافہ
  • بریکنگ :- لمپی وائرس سےمتاثرہ جانوروں کی تعداد 53 ہزار 556 ہوگئی،محکمہ لائیو اسٹاک
  • بریکنگ :- حیدرآباد:لمپی وائرس سے 571 مویشی ہلاک ہوئے، محکمہ لائیو اسٹاک
  • بریکنگ :- کراچی میں سب سےزیادہ کیسزرپورٹ ہوئے، تعداد 20 ہزار 972ہوگئی
  • بریکنگ :- 29لاکھ سے زائد مویشیوں کووائرس سے بچاؤکی ویکسین لگائی جاچکی ہے، محکمہ لائیو اسٹاک

ترک نغمہ نگار بھی عمران خان کے مداح، Absolutely not پر گانا بنالیا

Published On 20 June,2022 07:27 pm

لاہور ،(ویب ڈیسک) ترکی کے مشہور نغمہ نگار بھی پاکستان تحریک انصاف (پی ٹی آئی)کے چیئر مین عمران خان کے دیوانے نکلے، امریکی رپورٹر کو دیئے گئے جواب Absolutely not پر گانا بنالیا۔

ترک نغمہ نگار ترگے ایورن نے انگریزی زبان میں ایبسلیوٹلی ناٹ گیت کا پہلا ٹیزر سوشل میڈیا پر جاری کیا۔

جس کے بعد اب ترگے ایورن کی جانب سے سوشل میڈیا پر گانے کا دوسرا ٹیزر جاری کیا گیا ہے ۔ جس میں گانے کے بول بھی واضح ہیں ۔

ترک گلوکار کہہ رہے ہیں ابھرتے ہوئے پاکستان کے لیے اٹھو ، عمران خان کے ساتھ چلو ۔ لاالہ اللہ۔

گانے کے پہلے ٹیزر میں عمران خان کو ایبسلیوٹلی ناٹ کہتے ہوئے دکھایا گیا تھا جسے ترک گلوکار نے بھی گایا تھااور اب دوسرے ٹیزر کی ویڈیو کے آغاز میں امید کی شمع روشن دکھائی گئی ہے ۔ جس کے بعد عمران خان کی سوانح عمری پڑھ رہا ہے ۔

ویڈیو میں عمران خان کے خطاب کرتے ہوئے مختلف انداز اور تحریک انصاف کے پرجوش جلسوں کے مناظر شامل کیے گئے ہیں اور آخر میں پاکستان کے نقشے کوہاتھوں کی ایک زنجیر اپنے حصار میں لے لیتی ہے ۔ جو پاکستان کی نظریاتی اور جغرافیائی تحفظ کی علامت ہے۔

انگریزی زبان میں گائے اس گیت کی ویڈیو پر ترکی اور اردو زبان میں ترجمہ بھی لکھا گیا ہے ۔ پہلے اور دوسرے ٹیزر کے سامنے آنے کے بعد تحریک انصاف کے کارکنان نے بے تابی سے مکمل گیت کے ریلیز ہونے کاانتظار شروع کردیا ہے ۔

ترک گلوکار ترگے ایورن کی پسندیدگی تحریک انصاف کے حلقوں میں اضافہ دیکھنے میں آیا ہے اور ان کا کہنا ہے کپتان نے جس غیرت اور جرات مندی کا مظاہرہ کیا اسے برادر ملک ترکیہ سمیت دنیا بھر کے مسلم ممالک میں سراہا جارہا ہے لیکن پاکستان میں ان کی حکومت غیرملکی مداخلت پر ختم کردی گئی ۔

یاد رہے کہ سابق وزیراعظم عمران خان سے ایک امریکی ٹی وی کو انٹرویو دیتے ہوئے جب یہ سوال کیا گیا کہ کیا پاکستان ڈرون حملوں کے لیے امریکا کو ایئربیس دے گا؟ اس کے جواب میں عمران خان نے کہا تھا ۔ ایبسلیوٹلی ناٹ ،یعنی بالکل نہیں ۔ عمران خان کے حامی کہتے ہیں کہ امریکا کو سیاسی تاریخ میں پہلی بار اتنا صاف جواب ملا جس کے بعد ان کو اقتدار سے ہٹوا دیا گیا۔