کراچی: (ویب ڈیسک) بالی ووڈ اداکارہ عالیہ بھٹ کی بیٹی کے ساتھ تصویر سوشل میڈیا پر وائرل ہوگئی۔
رواں سال شادی کے بندھن میں بندھنے والی بالی ووڈ کی مشہور جوڑی عالیہ بھٹ اور رنبیر کپور نے 6 نومبر کو اپنی بیٹی کو دنیا میں خوش آمدید کہا تھا۔
اداکارہ عالیہ بھٹ اور رنبیر کپور کے مداح اپنی سپر اسٹار جوڑی کی پہلی اولاد کی ایک جھلک کے منتظر تھے تاہم اب ان کا انتظار ختم ہوا کیونکہ عالیہ کی ہسپتال سے بیٹی کے ساتھ لی گئی تصویر لیک ہوگئی جو سوشل میڈیا پر گردش کر رہی ہے۔
عالیہ اور رنبیر نے 6 نومبر کو سوشل میڈیا پر بیٹی کی پیدائش کا اعلان کیا تھا تاہم متعدد بالی ووڈ رپورٹس میں دعویٰ کیا جا رہا ہے کہ عالیہ کی بیٹی کے ساتھ وائرل ہونے والی یہ تصویر جعلی ہے اور انہوں نے بیٹی کے ساتھ لی ہوئی کوئی تصویر جاری نہیں کی۔
یاد رہے کہ رنبیر اور عالیہ رواں سال 14 اپریل کو رشتہ ازدواج میں منسلک ہوئے تھے۔
.jpg)
