ماہرہ کا برائیڈل لک میں دلکش فوٹو شوٹ، دیکھنے والے بھی دنگ رہ گئے

Published On 15 September,2023 12:06 pm

لاہور: (ویب ڈیسک) پاکستانی سپر سٹار ماہرہ خان کے برائیڈل لک میں فوٹو شوٹ نے دیکھنے والوں کو ورطہ حیرت میں ڈال دیا۔

ماہرہ خان نے نامور پاکستانی ڈیزائنر کا برائیڈل لباس زیب تن کرکے فوٹو شوٹ کرایا جس میں اداکارہ کی غیر معمولی خوبصورتی نے ہر دیکھنے والے کو دنگ کردیا۔

فیشن کے متوالوں کی تمام تر توجہ اپنی جانب مبذول کراتا اداکارہ کا یہ دلکش فوٹو شوٹ کسی تعریف کامحتاج نہیں تھا۔

دلکش تصاویر میں اداکارہ نے جو لہنگا چولی زیب تن کیا وہ خوبصورتی کا مظاہرہ کر رہا تھا، مذکورہ لباس پیچیدہ زردوزی کام، موتیوں اور کٹے ہوئے چمکدار سیکوئن سے بھرپور طریقے کیساتھ مزین ہے جبکہ چولی کو تلہ کی نازک بوٹیوں سے سجایا گیا ہے۔

ساتھ ہی بارڈر اور ہاتھ سے بنے ہوئے ٹسل کے ساتھ سجا ہوا دوپٹہ دلہن کے انداز کو ایک شاندار طور پر مکمل کرتا ہے، ماتھے پر بندیا، کانوں میں دیدہ زیب بندے اور ساتھ گلے میں دلکش ہار بھی ماہرہ کی خوبصورتی کو چار چاند لگا رہا ہے۔

Advertisement