ممبئی: (ویب ڈیسک) بھارتی اداکارہ پریتی زنٹا نے اے آئی کیساتھ کئی گھنٹے گفتگو کی۔
بھارت کی خوبصورت اداکارہ پریٹی زنٹا نے آرٹی فیشل انٹیلی چیٹ بوٹ سے اپنی 2 گھنٹے کی طویل گفتگو کے بعد کہا کہ یہ خوفناک بھی لیکن بہت دلچسپ بھی ہے، بھارتی اداکارہ نے ایک انٹرویو میں اپنا تجربہ بیان کرتے ہوئے کہا کہ ایلون مسک کی کمپنی کے اے آئی چیٹ بوٹ Grok3 کے ساتھ گفتگو کی۔
بھارت کی خوبرو اداکارہ نے یہ بھی بتایا کہ یہ حقیقت سے اتنا قریب تھا کہ ایک وقت میں بھول ہی گئی کہ میں کسی آرٹیفیشل انٹیلی جنس سے محو گفتگو ہوں، بالی ووڈ ہیروئن پریٹی زنٹا نے کہا کہ یہ تجربہ میرے لیے بیک وقت خوفناک بھی تھا اور دلچسپ بھی ہے۔
اداکارہ نے جہاں اے آئی چیٹ بوٹ تخلیق کرنے والوں کی مہارت اور قابلیت کی بھی تعریف کی وہیں انسانوں کے بجائے جذباتی سہارے کے لئے روبوٹس کا سہارا لینے کی حوصلہ شکنی کی۔
بھارتی اداکارہ پریٹی زنٹا نے مشورہ دیا کہ تنہائی میں یا بوریت کے لمحات میں آرٹی فیشل انٹیلی جنس کے بجائے انسانوں سے میل جول بڑھائیں۔
