لاہور: (دنیا نیوز) برصغیر کے عظیم انقلابی شاعر جوش ملیح آبادی کی آج 42 ویں برسی ہے۔
جوش ملیح آبادی نے تحریک جدوجہد آزادی میں نمایاں کردار ادا کیا، اپنی انقلابی اور ولولہ خیز شاعری کے باعث شاعر انقلاب کے درجے پر فائز ہوئے، ان کے کم و بیش 24 مجموعہ کلام ہیں جن میں حرف و حکایت، طلوع فکر، محراب و مضراب نمایاں ہیں۔
جوش ملیح آبادی منفرد لب و لہجے کے مالک، قادر الکلام شاعر اور صاحب اسلوب نثرنگار کا سحر آج بھی برقرار ہے۔
پچاس سال سے زائد عرصے تک علم و دانش کے موتی بکھیرنے کے بعد جوش 22 فروری 1982 کو اس جہانِ فانی سے کوچ کر گئے لیکن اردو ادب میں اپنی خدمات کے باعث ہمیشہ شعرو ادب کے افق پر جگمگاتے رہیں گے۔
