ممبئی: (ویب ڈیسک) بھارتی اداکارہ اروشی روٹیلا نے 3 منٹ پرفارمنس کا کروڑوں میں معاوضہ لیکر سب کو حیران کر دیا۔
بھارتی اداکارہ اروشی روٹیلا ان دنوں اپنی حال ہی میں ریلیز ہونے والی فلم ڈاکو مہاراج کے لئے سرخیوں میں ہیں تاہم اب ان کی فلم میں 3 منٹ کی پرفارمنس کے معاوضے سے متعلق تفصیلات بھی سامنے آگئی ہیں۔
بھارتی میڈیا نے بتایا کہ اروشی نے ننداموری بالاکرشنا کی ایکشن سے بھرپور تفریحی فلم میں اپنی 3 منٹ کی پرفارمنس کے لئے 3 کروڑ روپے لیے ہیں، اروشی نے ایک منٹ کی پرفارمنس کیلئے 1 کروڑ بھارتی روپے چارج کئے ہیں، 3 منٹ کے تین کروڑ بطور معاوضہ اداکارہ کو ادا کیا گیا ہے۔
یاد رہے کہ اداکارہ کے مجموعی اثاثوں کی مالیت تقریباً 236 کروڑ روپے ہے، جس میں انہوں نے بطور انفلوئنسر شہرت کی وجہ سے کافی کمائی کی، اروشی کے انسٹاگرام پر 73 ملین سے زائد فالوورز ہیں۔
