ممبئی: (ویب ڈیسک) بالی ووڈ سپر سٹار سلمان خان کی آئندہ فلم 'سکندر' کا ٹریلر جاری کر دیا گیا تاہم فلم بینوں اور سوشل میڈیا پر سلمان خان اور ان کی ساتھی اداکارہ رشمیکا مندانا کے درمیان عمر کے فرق پر بحث چھڑ گئی۔
اس موضوع پر ردعمل دیتے ہوئے سلمان خان نے تنقید کرنے والوں کو جواب دیتے ہوئے کہا ہے کہ "جب رشمیکا مندانا کو اس پر کوئی اعتراض نہیں ہے اور ان کے والد کو بھی کوئی مسئلہ نہیں ہے تو پھر دوسروں کو کیا پرابلم ہے؟"
انہوں نے مزید کہا ہے کہ "ان کی شادی ہو جائے گی، بچے ہوں گے تو ان کے ساتھ بھی کام کریں گے، ممی کی پرمیشن تو مل ہی جائے گی"۔
اس تقریب میں سلمان خان نے سوشل میڈیا پر ہونے والی تنقید کا ذکر کرتے ہوئے کہا کہ انہیں اپنی موجودگی کا احساس دلانا پڑتا ہے، جب ہیروئن کو اور ان کے والد کو کوئی مسئلہ نہیں تو دوسروں کو کیوں دقت ہے۔
یاد رہے کہ سلمان خان کی عمر 59 سال ہے جبکہ رشمیکا 28 برس کی ہیں۔
