نئی دہلی :(دنیا نیوز) بالی ووڈ بلاک بسٹر فلم ’میں ہوں ناں‘ میں تھوک پھینک کر بات کرنے والے پروفیسر کا کردار نبھانے والے معروف بھارتی اداکار ستیش شاہ انتقال کر گئے۔
غیر ملکی میڈیا رپورٹس کے مطابق 74 سالہ سینئر اداکار طویل عرصے سے گردوں کے عارضے میں مبتلا اور ممبئی کے ہسپتال میں زیر علاج تھے۔
دوسری جانب میڈیا رپورٹس کے مطابق حال ہی میں ان کا کڈنی ٹرانسپلایٹ بھی ہوا تاہم آج ممبئی میں ان کا انتقال ہو گیا ہے۔
اداکار کے منیجر نے اس حوالے سے تصدیق کرتے ہوئے کہا کہ ستیش شاہ کی لاش اس وقت ہسپتال میں موجود ہے جب کہ ان کی آخری رسومات کل بروز اتوار کو ادا کی جائیں گی۔
