احمد پرویز 7 جولائی 1926ء کو راولپنڈی میں پیدا ہوئے، انہوں نے اپنی جادوئی انگلیوں اور رنگوں کے انوکھے امتزاج سے تجریدی مصوری میں ایک نیا اسلوب متعارف کروایا۔

لاہور، لندن اور نیویارک میں ان کے فن کے شاہکاروں کی نمائشیں منعقد ہوئیں جہاں بین الاقوامی نقادوں نے ان کے فن کو بے حد سراہا، حکومتِ پاکستان نے ان کی عظیم فنکارانہ خدمات کے اعتراف میں انہیں تمغہ حسن کارکردگی سے بھی نوازا۔

رنگوں کا یہ عظیم فن کار 5 اکتوبر 1979ء کو 53 سال کی عمر میں کراچی میں اس فانی دنیا سے کوچ کر گیا، اگرچہ احمد پرویز آج ہم میں نہیں، لیکن ان کے شاہکار رنگوں کی دنیا میں ہمیشہ زندہ رہیں گے۔