ممبئی: (ویب ڈیسک) بالی ووڈ کی معروف و خوبرو اداکارہ پریتی زنٹا نے اپنے نام سے متعلق گردش کرنے والی افواہوں پر خاموشی توڑ دی۔
سوشل میڈیا پر شیئر کی گئی ویڈیو میں اداکارہ نے بتایا کہ میں یہ ویڈیو اس لیے شیئر کر رہی ہوں کیونکہ انٹرنیٹ، گوگل، وکی پیڈیا پر ہر جگہ یہ لکھا ہوا ہے کہ میرا نام پریتی زنٹا نہیں بلکہ پریتم سنگھ زنٹا ہے۔
اداکارہ نے کہا کہ میں نے کبھی بھی اپنا نام تبدیل نہیں کروایا ہے، میرا نام شروع سے پریتی زنٹا ہی ہے لیکن یہ میرے علم میں نہیں ہے کہ گوگل یا ویکی پیڈیا پر ایسا کیوں لکھا ہے کہ میرا نام پریتم سنگھ زنٹا ہے یا پہلے کبھی تھا، یا پھر میں نے اپنا نام تبدیل کر کے پریتی زنٹا رکھ لیا ہے، ایسا ہرگز نہیں ہے۔
پریتی زنٹا نے مزید بتایا کہ میں نے شادی کے بعد اپنے نام میں جی حرف کا اضافہ کیا ہے، کیونکہ میرے شوہر کا نام ’گڈانف‘ ہے تو میں نے پورے نام کا اضافہ کرنے کی بجائے صرف پہلے حرف جی کا اضافہ کیا ہے لیکن میرا اصل نام ہمیشہ سے پریتی زنٹا تھا اور رہے گا۔
