لاہور: (دنیا نیوز) پاکستان کرکٹ بورڈ (پی سی بی) نے ریڈ بال ٹیم کے کوچ جیسن گلیسپی کو عہدے سے ہٹانے کی خبروں کو بے بنیاد قرار دے دیا۔
پی سی بی کی جانب سے جیسن گلیسپی کو عہدے سے ہٹانے کی خبروں کی تردید کرتے ہوئے کہا گیا ہے کہ ریڈ بال ٹیم کے ہیڈ کوچ جیسن گلیسپی ہی رہیں گے، جیسن گلیسپی جنوبی افریقہ کے خلاف ریڈ بال کے دو میچوں کے لیے پاکستانی ٹیم کی کوچنگ جاری رکھیں گے۔
قبل ازیں کرکٹ ویب سائٹ نے جیسن گلیسپی کو ہٹانے اور عاقب جاوید کو تینوں فارمیٹس کا ہیڈ کوچ مقرر کرنے کی خبر دی تھی۔
