کراچی: (دنیا نیوز) شہر قائد میں شدید بارشوں اور شہر کی خراب صورتحال کے بعد سوشل میڈیا پر تعلیم اداروں میں ایک ہفتے کی چھیٹیوں کا جعلی نوٹیفکیشن وائرل ہوگیا۔
سوشل میڈیا پر شیئر کی جانے والی خبر میں دعویٰ کیا گیا ہے کہ محکمہ تعلیم سندھ نے کراچی سمیت صوبہ بھر میں ایک ہفتے کی چھٹیوں کا اعلان کردیا ہے، کچھ پوسٹوں میں بدھ، جمعرات اور جمعہ کی چھٹیوں کا اعلان کیا گیا۔
واضح رہے کہ منگل کی بارش کے بعد بدھ کو تعطیل کا اعلان کیا گیا تھا اور موسم کی شدت کو مدنظر رکھتے ہوئے جمعرات کی تعطیل کےلیے ایک الگ سے نوٹیفکیشن جاری کیا گیا جس میں صرف ایک دن کی چھٹی کا اعلان کیا گیا تھا۔
محکمہ سکول ایجوکیشن سندھ نے واضح کیا کہ سوشل میڈیا پر وائرل ہونے والا اس طرح کا نوٹیفکیشن فیک اور گمراہ کن معلومات پر مبنی ہے، بارشوں کے باعث سکولز میں ایک ہفتے کی تعطیلات کے حوالے سے ایسا کوئی بھی نوٹیفکیشن جاری نہیں کیا۔
سوشل میڈیا پر وائرل ہونے والا ایک ہفتے کی چھٹی کا نوٹیفکیشن مکمل طور پر جعلی اور گمراہ کن ہے۔