تازہ ترین
  • بریکنگ :- وزیراعظم عمران خان کی تقریرکابیشترحصہ مسئلہ کشمیرپرتھا،بیرسٹرسلطان
  • بریکنگ :- وزیراعظم نےواضح کہاوقت آگیاہےکشمیریوں کوان کاحق خودارادیت ملے،بیرسٹرسلطان
  • بریکنگ :- مقبوضہ کشمیرمیں بھارتی ظلم اوربربریت جاری ہے،بیرسٹرسلطان
  • بریکنگ :- سیدعلی گیلانی کی وفات کےبعدبھارت کارویہ غیرانسانی تھا،بیرسٹرسلطان
  • بریکنگ :- سیدعلی گیلانی کی خواہش تھی ان کی تدفین شہداقبرستان میں کی جائے،بیرسٹرسلطان

تمباکو نوشی کے عادی افراد کا کورونا وائرس میں زیادہ مبتلا ہونے کا امکان

Published On 06 September,2021 05:21 pm

جنیوا: (دنیا نیوز) عالمی ادارہ صحت کے انسداد سگریٹ نوشی یونٹ کی عہدیدار ڈاکٹر ہیبی جودہ نے کہا ہے کہ تمباکو نوشی کے عادی افراد میں دیگر افراد کی نسبت کووڈ۔ 19 میں مبتلا ہونے کا امکان 50 فیصد زیادہ ہوتا ہے۔

ڈاکٹر ہیبی جودہ کے عالمی ادارہ صحت کی ویب سائٹ اور سوشل میڈیا کے پروگرام’’پانچ علوم ‘‘کی میزبان وسمیتا جوبٹا سمیتھ کو دیئے گئے انٹرویو کا حوالہ دیتے ہوئے بتایا کہ تمباکو نوشی کے عادی افراد میں کورونا کی علامات ظاہر ہونے کا زیادہ امکان ہوتا ہے۔

انہوں نے خبردار کیا کہ تمباکو نوشی کے عادی افراد کا دیگر افراد کی نسبت کووڈ۔ 19 سے مرنے کا امکان بھی بڑھ جاتا ہے کیونکہ عام طور پر تمباکو نوشی انسانی صحت کے لیے بہت زیادہ نقصان دہ ہے جو دل کی بیماریوں،کینسر، ذیابیطس اور پھیپھڑوں کی دائمی بیماریوں کا باعث بنتی ہے۔