پشاور: (دنیا نیوز) خیبرپختونخوا میں اومی کرون تیزی سے پھیلنے لگا، ایک دن میں مزید 15 افراد میں وائرس کی تشخیص ہوئی، صوبے میں مجموعی کیسز کی تعداد 383 ہو گئی۔
محکمہ صحت کی جاری کردہ رپورٹ کے مطابق صوبے میں گزشتہ 24 گھنٹوں کے دوران اومی کرون کے مزید 15 نئے کیسز سامنے آئے، متاثر ہونے والے افراد میں 12 مرد اور 3 خواتین شامل ہیں۔
صوبے میں اومی کرون سے متاثرین کی مجموعی تعداد 383 تک پہنچ گئی ہے جس میں 237 مرد اور 142 خواتین شامل ہیں۔
