جینیوا: (ویب ڈیسک ) عالمی ادارہ صحت کا کہنا ہے کہ رواں سال کورونا وائرس سے اموات میں 95 فیصد کمی ہوئی ہے لیکن کورونا ابھی دنیا میں ہی ہے تاہم دنیا اب کورونا وبا کی ہنگامی حالت کے دور سے نکل رہی ہے۔
جنیوا میں پریس بریفنگ میں سربراہ عالمی ادارہ صحت ٹیڈروس ایڈہانوم کا کہنا تھا کہ کورونا وائرس دنیا میں رہنے کے لیے ہے اور دنیا کو دیگر متعدی امراض کے ساتھ اس کے انتظام کی بھی ضرورت ہے۔
انہوں نے کہا کہ دنیا اب کورونا وبا کے ہنگامی مرحلے سے نکلنا شروع کر رہی ہے ، ہم پُرامید ہیں کہ رواں برس کورونا وبا کی پبلک ہیلتھ ایمرجنسی خاتمے کا اعلان کرسکیں گے۔
ٹیڈروس کا مزید کہنا تھا کہ اگلے ہفتے تمام ممالک کے لیے کورونا کے طویل مدتی انتظام کے ہنگامی ردعمل سے نکلنے کا لائحہ عمل دیں گے۔
