نیویارک: (ویب ڈیسک) امریکا میں کورونا دوبارہ سر اٹھانے لگا، مہلک وائرس سے متاثر ہونے والے افراد کی تعداد میں تیزی سے اضافہ ہو رہا ہے۔
غیرملکی میڈیا کے مطابق کورونا کی تازہ لہر کی سب سے زیادہ شکار امریکی ریاست کیلیفورنیا ہوئی ہے جہاں رواں ماہ کے پہلے ہفتے میں 2 ہزار سے زائد کیسز رپورٹ ہوئے جس میں مزید تیزی آ رہی ہے، نئی لہر نے مختلف ریاستوں کو کرسمس کے موقع پر عوامی تقریبات کے پیش نظر پابندیوں سے متعلق غور کرنے پر مجبور کر دیا۔
امریکی محکمہ صحت کا کہنا ہے کہ کیلیفورنیا میں کورونا کے نئے کیسز کی تعداد میں گزشتہ ماہ کے مقابلے میں 40 فیصد اضافہ ہوا ہے جبکہ فلو کے مریض ان کے علاوہ ہیں، ہسپتال میں داخل افراد ویکسین شدہ ہیں، ان کی علامات معمولی نوعیت کی ہیں اور کسی کی جان کو خطرہ نہیں۔
یاد رہے کہ امریکا میں ہر سال ہی موسم سرما کے آغاز پر کورونا کیسز میں اضافہ ہوتا ہے لیکن اس سال گزشتہ برس کے مقابلے میں یہ شرح دو گنا زیادہ ہے جسے ماہرین نے تشویشناک قرار دیا ہے۔
