اسلام آباد:(دنیا نیوز) وفاقی دارالحکومت کے ماحولیاتی نمونے میں بھی پولیووائرس کی تصدیق ہو گئی۔
محکمہ صحت کے حکام کے مطابق پہلے بلوچستان کے ضلع لورالائی کے ماحولیاتی نمونے میں پولیو وائرس پایا گیا، اب وفاقی دارالحکومت اسلام آباد کے ماحولیاتی نمونے میں بھی پولیو وائرس مثبت رپورٹ ہوا ہے جبکہ راولپنڈی کے ماحولیاتی نمونوں میں بھی پولیو وائرس کی تصدیق ہوئی۔
حکام کا مزید کہنا ہے کہ ملک میں 45 اضلاع کے 176 ماحولیاتی نمونوں میں پولیو وائرس کی تصدیق ہو چکی ہےاور ان اضلاع کی انتظامیہ کو خبردار کردیا گیا ہے۔
واضح رہے کہ پاکستان میں اب تک 4 بچے پولیو وائرس سے معذور اور ایک انتقال کر چکا ہے۔
