ہسپتال انتظامیہ نے کارروائی کرتے ہوئے ملزم مبشر اقبال کو پولیس کے حوالے کردیا۔

ذرائع کے مطابق چوری کی گئی ادویات اور سامان میں اینٹی بائیوٹکس، معدے کے انجکشن، سرجیکل گلوز، برنولہ، سی وی پی لائنز سمیت دیگر سرکاری طبی سامان شامل ہے جو ملزم کے قبضے سے برآمد کرلیا گیا۔

دوسری جانب ملزم مبشر اقبال نے دوران تفتیش ادویات چوری کرنے کی ذمہ داری ڈسپنسر میاں حامد ندیم پر عائد کرتے ہوئے الزام لگایا کہ ڈسپنسر اسے ادویات لینے کے لیے بلاتا تھا۔

علاوہ ازیں ہسپتال انتظامیہ کا کہنا تھا کہ واقعے کی مزید تحقیقات جاری ہیں، جبکہ ملزم کو پولیس کے حوالے کردیا گیا ہے۔

اس حوالے سے ایم ایس لاہور جنرل ہسپتال ڈاکٹر فرہاد حسین نے کہا کہ چوری میں ملوث شخص کے خلاف مقدمہ درج کروایا جا رہا ہے اور معاملے کی مکمل تحقیقات کی جائیں گی۔