اسلام آباد: (دنیا نیوز) غیر ملکی پارٹی فنڈنگ کیس میں بڑی پیش رفت، الیکشن کمیشن نے تحریکِ انصاف کے تمام اکاؤنٹس میں ٹرانزیکشنز کی تفصیلات کے لئے سٹیٹ بینک سے رجوع کر لیا۔
ذرائع کے مطابق الیکشن کمیشن نے سٹیٹ بینک سے کہا ہے کہ تحریکِ انصاف کی ملکی اور غیر ملکی ٹرانزیکشنز کا ریکارڈ فراہم کیا جائے اور پارٹی کے تمام اکاؤنٹس کی تفصیلات بھی دی جائیں۔
کمیشن کی تحقیقاتی کمیٹی نے پی ٹی آئی سے دس دستاویزات مانگی تھیں، مگر کئی بار یاد دہانی کے باوجود بینک ریکارڈ نہیں دیا گیا۔
