لاہور: (ویب ڈیسک) ایف آئی اے کے بعد پاکستان انٹرنیشنل ایئر لائنز نے بھی مسافروں کو پروٹوکول نہ دینے کا اعلان کیا ہے۔ پی آئی اے کا کہنا تھا کہ تمام مسافر ہمارے لیے برابر اہمیت کے حامل ہیں۔
پی آئی اے کی جانب سے سوشل میڈیا پر جاری بیان میں کہا گیا ہے کہ تمام مسافر ہمارے لیے برابر اہمیت کے حامل ہیں۔
قومی ایئر لائن کے ٹوئٹر اکاؤنٹ پر اس حوالے سے ایک تصویر بھی جاری کی گئی ہے جس پر ’نو پروٹوکول نو سیٹ بلاکنگ‘ کے الفاظ تحریر ہیں۔
All passengers are equally important to us! No protocol and no seat blocking!#PIA pic.twitter.com/2K3vNzcpdX
— PIA (@Official_PIA) August 31, 2018
خیال رہے کہ پاکستان تحریک انصاف کی حکومت بننے کے بعد وزیراعظم عمران خان نے ملک سے وی آئی پی کلچر ختم کرنے اور پروٹوکول نہ لینے کا اعلان کیا تھا۔ چند روز قبل ایڈیشنل ڈائریکٹر ایف آئی اے امیگریشن کی جانب سے بھی جاری اعلامیے میں کہا گیا تھا کہ ایئرپورٹ پر کسی بھی شخصیت کو پروٹوکول نہیں دیا جائے گا۔
