کرتارپور راہدری کھولنے کا فیصلہ، سدھو کا تہہ دل سے شکریہ

لاہور: (دنیا نیوز) سابق بھارتی کرکٹر اور اپوزیشن جماعت کانگریس کے رہنما نوجوت سنگھ سدھو نے کرتارپور راہداری کھولنے کے فیصلے کو تہہ دل سے سراہتے ہوئے پاکستانی وزیراعظم عمران خان کا شکریہ ادا کیا ہے۔

سماجی رابطوں کی ویب سائٹ ٹویٹر پر جاری اپنے خصوصی پیغام میں نوجوت سنگھ سدھو نے عمران خان کا شکریہ ادا کرتے ہوئے لکھا کہ ہم آپ کے مثبت اقدام کو خوش آمدید کہتے ہیں، یہی ہمارے لیے سب کچھ ہے، آپ واقعی ایک گوہر ہو۔

نوجوت سنگھ سدھو نے لکھا کہ عمران خان کی جانب سے کرتارپور راہداری کھولنے کا فیصلہ انسانیت کیلئے بہت بڑا اقدام ہے، اس فیصلے پر میں آپ کو سلام پیش کرتا ہوں۔

Thank you @ImranKhanPTI Bhai, we welcome the positive step, it means the world to us. You’re a gem! This is a great service to mankind. Kudos to you!
ਨਾਨਕ ਨਾਮ ਚੜਦੀ ਕਲਾ ਤੇਰੇ ਭਾਣੇ ਸਰਬਤ ਦਾ ਭਲਾ| pic.twitter.com/xehaXTfzTm

— Navjot Singh Sidhu (@sherryontopp) November 22, 2018

کرتارپور سکھ مذہب کے بانی گرو نانک کی جائے وفات ہے۔ گرونانک نے کرتارپور میں اپنی زندگی کے 18 برس گزارے جو کسی بھی جگہ ان کے قیام کا سب سے لمبا عرصہ ہے۔

یاد رہے کہ نوجوت سنگھ سدھو نے وزیراعظم عمران خان کی تقریب حلف برداری میں شرکت کی تھی، اس موقع پر آرمی چیف جنرل قمر جاوید باجوہ نے انھیں سکھوں کے مذہبی مقام کرتارپور صاحب کا راستہ کھولنے کی خوشخبری سنائی تھی۔