تازہ ترین
  • بریکنگ :- لاہورقلندرزکا ملتان سلطانزکو 207 رنز کا ہدف
  • بریکنگ :- لاہورقلندرزنے مقررہ اوورزمیں 5 وکٹوں پر 206 رنز بنائے
  • بریکنگ :- فخرزمان 35 گیندوں پر 76 رنز بنا کرآؤٹ
  • بریکنگ :- کامران غلام 43 رنز بنا کر آؤٹ ہوئے
  • بریکنگ :- کراچی:عبداللہ شفیق نے 24 رنزبنائے

پاکستان اور بھارت ایٹمی طاقتیں، حالات خراب ہو سکتے ہیں: وزیراعظم

Last Updated On 26 September,2019 10:13 pm

نیویارک: (دنیا نیوز) وزیراعظم عمران خان نے خبردار کیا ہے کہ مقبوضہ کشمیر کی صورتحال بہت خطرناک ہے۔ خوف ہے کرفیو اٹھنے پر مقبوضہ کشمیر میں قتل عام ہوگا۔

وزیراعظم پاکستان عمران خان کا نیویارک ٹائمز کے ایڈیٹرز سے ملاقات کے دوران گفتگو میں کہنا تھا کہ بھارتی فوجیوں نے مقبوضہ کشمیر کا محاصرہ کر رکھا ہے۔ مقبوضہ کشمیر کے معاملے پر اقوام متحدہ سے مدد کی اپیل کریں گے۔ بھارت کو سمجھ نہیں آرہا، اس کے کتنے خطرناک نتائج ہو سکتے ہیں۔

انہوں نے ایک بار پھر مطالبہ اٹھایا کہ اقوام متحدہ مقبوضہ کشمیر میں مداخلت کرے۔ اقوام متحدہ مسئلہ کشمیر پر بات نہیں کرے گا تو کون کرے گا؟

ان کا کہنا تھا کہ بھارت مسئلہ کشمیر پر غیر سنجیدہ رویے کا مظاہرہ کر رہا ہے۔ غرور لوگوں کو سمجھدار ہونے سے روکتا ہے۔ اقوام متحدہ نے فعال کردار ادا نہ کیا تو حالات خراب ہو سکتے ہیں۔