تازہ ترین
  • بریکنگ :- عطا تارڑکاچیف سیکرٹری پنجاب،کمشنرلاہوراورڈی جی اسپورٹس کوقانونی نوٹس
  • بریکنگ :- ہاکی اسٹیڈیم میں جلسے کی اجازت دے کر قانون کی خلاف ورزی کی گئی ،نوٹس
  • بریکنگ :- کروڑوں روپےکی آسٹرو ٹرف اکھاڑ کرخزانے کو نقصان پہنچایا گیا ،نوٹس
  • بریکنگ :- نیب قانون کے تحت یہ سنگین جرائم ہیں، نوٹس میں موقف

اگر آصف زرداری کو کچھ ہوا تو ذمہ دار حکومت ہوگی: بلاول بھٹو

Last Updated On 07 November,2019 09:55 pm

ملتان: (دنیا نیوز) پاکستان پیپلز پارٹی کے چیئرمین بلاول بھٹو زرداری نے سابق صدر آصف علی زرداری کی خرابی صحت پر سخت تشویش کا اظہار کرتے ہوئے کہا ہے کہ اگر انھیں کچھ بھی ہوا تو اس کی ذمہ دار حکومت ہوگی۔

بلاول بھٹو کی جانب سے جاری بیان میں کہا گیا ہے کہ بار بار کے مطالبات کے باوجود آصف زرداری تک طبی ماہرین کو رسائی نہیں دی جا رہی۔ وہ کسی جرم میں نہیں بلکہ ایک بے بنیاد اور جھوٹے مقدمے کی تفتیش کیلئے قید ہیں۔

انہوں نے کہا کہ آصف زرداری کی صحت کی تشویشناک حالت کو چھپایا جا رہا ہے۔ خاندان کے افراد تک کو نہیں بتایا جا رہا کہ وہ کس تکلیف سے گزر رہے ہیں۔

ان کا کہنا تھا کہ سابق صدر آصف زرداری کو جان بوجھ کر اڈیالہ جیل میں علاج کی سہولیات سے دور رکھا گیا۔ انھیں وہیل چیئر پر زبردستی ہسپتال سے جیل لے جایا گیا۔ ان کی صحت کے حوالے سے پورا خاندان پریشان ہے۔