تازہ ترین
  • بریکنگ :- آرمی چیف جنرل قمرجاویدباجوہ کا بہاولپورکادورہ ، آئی ایس پی آر
  • بریکنگ :- آرمی چیف نےخیرپورٹامیوالی اوراسرانی میں تربیتی مشقوں کامشاہدہ کیا
  • بریکنگ :- آرمی چیف نےمیکنائزڈدستوں کی جنگی مشقوں کامشاہدہ کیا،آئی ایس پی آر
  • بریکنگ :- مشقوں میں فارمیشنزنےجارحانہ حکمت عملی کےآپریشنزکیے،آئی ایس پی آر
  • بریکنگ :- آرمی چیف نےفارمیشنزکی آپریشنل تیاریوں کوسراہا، آئی ایس پی آر
  • بریکنگ :- دشمن کوشکست دینےکیلئےچیلنجز سےنمٹنےکی تربیت ضروری ہے،آرمی چیف
  • بریکنگ :- پاک فوج داخلی سالمیت وملکی سلامتی کیلئےکسی خطرےسےنمٹنےکیلئے تیار ہے، آرمی چیف
  • بریکنگ :- کور کمانڈربہاولپورلیفٹیننٹ جنرل خالدضیانےآرمی چیف کااستقبال کیا

جمعہ سے پھر تین روزہ لاک ڈاؤن، تمام عام مارکیٹس سوموار سے کھلیں گی

Last Updated On 14 May,2020 09:13 pm

لاہور: (دنیا نیوز) لاہور، اسلام آباد اور کراچی سمیت ملک کے دیگر حصوں میں جمعہ سے پھر تین روزہ لاک ڈاؤن ہوگا۔ کھانے پینے کی دکانوں کے علاوہ عام مارکیٹس سوموار سے کھلیں گی۔

حکومتی اعلان کے مطابق لاہور میں سٹیل، پی وی سی پائپ، برقی مصنوعات، ایلومینیم کی صنعتیں، سرامکس، پینٹ انڈسٹریز، سینٹری اور ہارڈ ویئر سٹورز بند ہوں گے۔

دکانیں اور کاروباری ادارے ہفتے میں 4 دن ماسوائے جمعہ، ہفتہ اور اتوار صبح 8 بجے سے شام 5 بجے تک کھلیں گے۔ سبزی منڈیاں، دودھ دہی کی دکانیں، گراسری سٹور، پٹرول پمپس، میڈیکل سٹورز اور درزیوں کی دکانیں کھلی رہیں گی۔ بڑے سٹوروں کے بھی صرف گراسری ڈیپارٹمنٹ کھلے رہیں گے۔

ادھر اسلام آباد بھی جمعہ سے اگلے تین روز کے لیے بند ہوگا۔ میڈیکل سٹور 24 گھنٹے کھلے ہوں، اشیائے ضروریہ کی دوکانیں 5 بجے تک کھولنے کی اجازت ہوگی۔

ضعلی انتظامیہ کے مطابق حکومت کی جانب سے جاری ایس او پیز کے مطابق جمعہ سے اتوار تک اسلام آباد مکمل بند ہوگا۔ صورتحال 11 مئی سے پہلے والی ہوگی جس میں کنسٹرکشن انڈسٹری، اشیائے خورونوش، میڈیکل سٹورز، آٹو ورکشاپس، تندور، دودھ دہی کی دکانیں اور بیکریاں کھولنے کی اجازت ہوگی۔

میڈیکل سٹورز 24 گھنٹے جبکہ باقی کاروبار 5 بجے تک کھولنے کی اجازت ہوگی۔ ضلعی انتظامیہ کے مطابق حکومت کی جانب سے جاری ایس او پیز پر سختی سے عمل درآمد یقینی بنایا جائے گا۔

کراچی کی بات کی جائے تو وہاں بھی 50 روز بعد شروع ہونے والی کاروباری سرگرمیاں چار روز جاری رہنے کے بعد جمعہ پھر بند ہو جائیں گی۔ صرف میڈیکل سٹورز، کریانہ اور دودھ دہی کی دکانوں کو صبح آٹھ بجے سے شام پانچ بجے تک کھلے رہنے کی اجازت ہوگی۔

محکمہ داخلہ سندھ نے گیارہ مئی سے مارکیٹیں صبح آٹھ سے شام چار بجے تک کھولنے کا نوٹیفکیشن جاری کیا تھا جس کے مطابق جمعہ، ہفتہ اور اتوار سیف ڈے قرار دیے گئے ہیں۔ تینوں دن سو فیصد لاک ڈاؤن ہوگا۔

اس میں قانون نافذ کرنے والے اداروں کے اہلکار، میڈیکل اور ٹیکنیکل عملہ، کوریئر، صحافیوں، گڈز ٹرانسپورٹ اور سماجی کارکنوں کو نقل وحرکت کی اجازت ہوگی۔

کریانہ، دودھ دہی کی دکانوں اور میڈیکل سٹورز کو صبح آٹھ سے شام پانچ بجے تک کھلے رہنے کی اجازت ہوگی۔ جلوس اور عوامی اجتماعات پر پابندی برقرار رہے گی۔

پبلک ٹرانسپورٹ بند رہے گی جبکہ سینما، سی ویو اور دیگر تفریحی مقامات سمیت حجام، بیوٹی پارلر اور جمز بند رہیں گے۔ گیمنگ زونز اور کیفے بھی نہیں کھولے جائیں گے۔