اسلام آباد: (روزنامہ دنیا) اپوزیشن اور حکومت کی اتحادی جماعتوں نے پٹرولیم مصنوعات کی قیمتوں میں اضافہ واپس لینے کی قرارداد جمع کروا دی۔ تحریک انصاف کے رکن نورعالم خان نے بھی اپنی حکومت کے فیصلے کیخلاف آواز بلند کرتے ہوئے قرارداد پر دستخط کئے ہیں۔
قرارداد پر اپوزیشن کی جانب سے مسلم لیگ (ن)، پیپلزپارٹی، ایم ایم اے، جماعت اسلامی اور پی ٹی ایم کے ارکان کے دستخط ہیں جبکہ حکومت کی اتحادی جماعتوں جی ڈی اے ، بلوچستان عوامی پارٹی، ایم کیو ایم پاکستان، پاکستان مسلم لیگ (ق) کے ارکان اور ایک آزاد رکن بھی شامل ہے۔
