تازہ ترین
  • بریکنگ :- حیدرآباد:کوروناکیسزمیں اضافہ،شرح 16 فیصدہوگئی،محکمہ صحت سندھ
  • بریکنگ :- حیدرآباد:24 گھنٹےکےدوران مزید 210 کیس رپورٹ،محکمہ صحت سندھ
  • بریکنگ :- حیدرآباد:کوروناکیسزکی تعداد 1480 ہوگئی،محکمہ صحت سندھ

وزیراعلیٰ سندھ کا قیدیوں کی سزا میں 90 روز کی رعایت دینے کا فیصلہ

Last Updated On 01 August,2020 04:14 pm

کراچی: (دنیا نیوز) وزیراعلیٰ سندھ سیّد مراد علی شاہ نے قیدیوں کی سزا میں 90 روز کی رعایت دینے کا فیصلہ کر لیا۔ مرادعلی شاہ نے عوام کو عید کی مبارکباد بھی دی۔

تفصیلات کے مطابق مراد علی شاہ کی طرف سے قیدیوں کی سزا میں 90 روز کی رعایت دینے کا فیصلہ عیدالاضحیٰ اور 14 اگست کی وجہ سےکیا گیا۔ وزیراعلی سندھ نے قیدیوں اور ان کے اہلخانہ کو عید کی مبارکباد دی۔

مراد علی شاہ نے ایک اور پیغام میں پاکستان بھر کی عوام خصوصا سندھ کی عوام کو عید کی مبارکباد پیش کی۔ عوام کو ماسک کے بغیر باہر نہ نکلنے کی ہدایت کرتے ہوئے کہا کہ احتیاط نہ کی گئی تو عید کے بعد کیسز بڑھنے کا خدشہ ہے۔

دوسری جانب وزیر بلدیات سید ناصر شاہ نے سالڈ ویسٹ حکام کو ہدایات دیتے ہوئے کہا ہے کہ شہر کے ہر کونے سے آلائشیں اٹھانے کو یقینی بنایا جائے۔

انہوں نے کہا کہ سندھ سالڈ ویسٹ مینجمنٹ اتھارٹی آج صبح سے اچھا کام کر رہی ہے۔ مجھےوزیراعلی کیلئے صبح سے شام تک آلائشیں اٹھانے کی رپورٹ چاہئے۔ ڈی ایم سیزاپنے علاقوں میں آلائشیں اٹھانے کے بعد سپرے کریں۔