اسلام آباد: (دنیا نیوز) وزیراعظم عمران خان نے تحریک لبیک پاکستان کے سربراہ مولانا خادم حسین رضوی کے انتقال پر دلی افسوس اور دکھ کا اظہار کیا ہے۔
سماجی رابطوں کی ویب سائٹ ٹویٹر پر جاری بیان میں وزیراعظم عمران خان کا کہنا تھا کے میں مولانا خادم حسین رضوی کی رحلت پر میں ان کے اہلِ خانہ سے تعزیت کا اظہار کرتا ہوں۔ ان للہ وانا الیہ راجعون۔
مولانا خادم حسین رضوی کی رحلت پر میں انکے اہلِ خانہ سے تعزیت کا اظہار کرتا ہوں۔ اناللہ وانا الیہ راجعون۔
— Imran Khan (@ImranKhanPTI) November 19, 2020
وزیراعظم آزاد کشمیر راجہ فاروق حیدر نے بھی امیر تحریک لبیک پاکستان علامہ خادم رضوی کی وفات پر گہرے رنج وغم کا اظہار کرتے ہوئے اپنے بیان میں کہا ہے کہ میں ان کے اہلخانہ اور تحریک لبیک کے کارکنان سے دلی تعزیت کرتا ہوں۔
وزیراعظم آزاد کشمیر کا کہنا تھا کہ خادم حسین رضوی کی وفات کا سن کر دکھ ہوا، اللہ رب العزت انہیں جنت میں اعلیٰ مقام عطا فرمائے۔
ایم کیو ایم پاکستان کی رابطہ کمیٹی نے بھی مولانا خادم حسین رضوری کے انتقال پر اظہار تعزیت کرتے ہوئے کہا ہے کہ اللہ تعالیٰ مرحوم کی مغفرت اور سوگواران کو صبر جمیل عطا فرمائے۔
