تازہ ترین
  • بریکنگ :- جب سےعدالت نےثبوت مانگےنیب بہانےکررہی ہے،مریم نواز
  • بریکنگ :- حیران ہوں یہ وہی نیب ہےجس نےروزانہ سماعت کی درخواست دی تھی،مریم نواز
  • بریکنگ :- اسلام آباد:حکومت کی کارکردگی نہ ہونےکےبرابرہے،مریم نواز
  • بریکنگ :- ان کےکابینہ ارکان ان کی کارکردگی کیخلاف بات کررہےہیں،مریم نواز
  • بریکنگ :- اسلام آباد:مسلم لیگ ن آزمائشوں کےباوجودنہیں ٹوٹی،مریم نواز
  • بریکنگ :- کہاجارہاہےمسلم لیگ ن کے 4 افرادان سےملےہیں،مریم نواز

'او آئی سی وزرائے خارجہ اجلاس میں پاکستانی نکتہ نظر کو پیش کرنیکا موقع ملے گا'

Published On 25 November,2020 09:38 am

اسلام آباد: (دنیا نیوز) شاہ محمود قریشی نے کہا ہے کہ نائیجر میں او آئی سی رکن ملکوں کی تین روزہ اہم نشست ہوگی، مقبوضہ کشمیر میں بربریت کے خلاف آواز اٹھانے کیلئے یہ مناسب فورم ہے، امت مسلمہ کو درپیش چیلنجز پر تبادلہ خیال کیا جائے گا، مسئلہ کشمیر اور فلسطین پر دیگر وزرائے خارجہ سے بات ہوگی۔

وزیر خارجہ شاہ محمود قریشی نے او آئی کونسل آف فارن منسٹرز میں شرکت کے حوالے سے ویڈیو پیغام میں کہا کہ وزرائے خارجہ اجلاس میں پاکستان کے نکتہ نظر کو پیش کرنے کا موقع ملے گا، مقبوضہ کشمیر میں بھارت کی جانب سے انسانی حقوق کی سنگین خلاف ورزیوں کا سلسلہ بڑھ گیا، مقبوضہ کشمیر میں جاری ظلم و بربریت کے حوالے سے آواز اٹھانے کیلئے یہ ایک مناسب فورم ہے۔

شاہ محمود قریشی کا کہنا تھا کہ او آئی سی کے انسانی حقوق کمیشن کا شکر گزار ہوں، مقبوضہ کشمیر میں جاری انسانی حقوق کی سنگین خلاف ورزیوں پر ان کا بہت واضح موقف سامنے آتا رہا ہے۔