تازہ ترین
  • بریکنگ :- ہفتہ واربنیادوں پرمہنگائی کی شرح میں 1.42 فیصد اضافہ
  • بریکنگ :- ادارہ شماریات نےہفتہ وارمہنگائی کےاعدادوشمارجاری کردیئے
  • بریکنگ :- حالیہ ہفتے 33 اشیائےضروریہ مہنگی ہوئیں،ادارہ شماریات
  • بریکنگ :- زندہ مرغی 28 روپے 26 پیسےفی کلومہنگی،ادارہ شماریات
  • بریکنگ :- دال مسور 14روپے 88 پیسے،دال چنا 6 روپے 54 پیسےفی کلومہنگی
  • بریکنگ :- 20کلو آٹےکا تھیلا 54 روپے 62 پیسے مہنگا ہوا،ادارہ شماریات
  • بریکنگ :- دال ماش 5 روپے 18پیسے،دال مونگ ایک روپے 63 پیسےفی کلومہنگی
  • بریکنگ :- ایک ہفتےمیں انڈے 6 روپے 28 پیسے فی درجن مہنگےہوئے
  • بریکنگ :- ایک ہفتےمیں 14 اشیائےضروریہ کی قیمتوں میں استحکام رہا

براڈشیٹ معاملےسے ہماراکوئی لینا دینا نہیں،معاہدہ پرویزمشرف نےکیا تھا:وزیراعظم

Published On 22 January,2021 11:38 pm

اسلام آباد: (دنیا نیوز) وزیراعظم عمران خان نے کہا ہے کہ پی ٹی آئی کی تمام فنڈنگ قانونی اور ریکارڈ پر ہے، خوف ہوتا تو اوپن سماعت کا نہ کہتا، فارن فنڈنگ کیس بد نیتی پر مبنی تھا۔

وزیراعظم کا کہنا تھا کہ خوف ہوتا تو فارن فنڈنگ کیس کی اوپن سماعت کا نہ کہتا۔ مخالفین آج آ جائیں، دودھ کا دودھ اور پانی کا پانی ہوجائے گا۔ براڈ شیٹ معاملے پر انہوں نے کہا کہ اس سے ہمارا کوئی لینا دینا نہیں، ادائیگی نہ کرتے تو روزانہ پانچ ہزار پاؤنڈ جرمانہ ہوتا۔

اپنے ایک بیان میں وزیراعظم عمران خان نے ایک بار پھر اپنا چیلنج دہراتے ہوئے کہا کہ فارن فنڈنگ کیس کی اوپن سماعت ہونی چاہیے۔ فارن فنڈنگ کیس سپریم کورٹ، الیکشن کمیشن کہیں بھی لے جائیں۔ پی ٹی آئی کی فنڈنگ قانونی ہے۔

ان کا کہنا تھا کہ اپوزیشن فنڈنگ کا حساب اور ریکارڈ نہیں دے سکتی۔ انھیں اسرائیلی فنڈنگ کے الزام کا جواب بھی مل جائے گا۔ انہوں نے کہا کہ فارن فنڈنگ کیس کی 6 سال تاخیر کی وجہ کچھ اور تھی۔

عمران خان کا کہنا تھا کہ سابق الیکشن کمشنر تحریک انصاف کا دشمن تھا۔ ایک شخص پی ٹی آئی کا مخالف ہو، وہ تحقیقات کیسے کر سکتا ہے۔ الیکشن کمیشن میں بدنیتی کی بنیاد پر کارروائی جاری تھی۔ موجودہ الیکشن کمیشن پر تحریک انصاف کو اعتماد ہے۔

وزیراعظم نے کہا کہ بھارت اور یہودیوں نے فنڈنگ کی ہے تو تفصیل سامنے آ جائے گی۔ براڈ شیٹ میں ہمارا کچھ لینا دینا نہیں، یہ پرویز مشرف نے معاہدہ کیا تھا۔ براڈ شیٹ نے نواز شریف کے 800 ملین ڈالرز اثاثے ڈھونڈ کر نکالے۔