تازہ ترین
  • بریکنگ :- آئین وقانون کی بات کرنےوالا غدارکیسےہے؟جاوید لطیف
  • بریکنگ :- گھردرست کرنےکی بات کرےتونوازشریف اوراسکی جماعت غدار،جاوید لطیف
  • بریکنگ :- آئین فیصلہ نہیں کرسکتا کہ غدارکون ہے تویہ کتاب بند کردیں، جاوید لطیف

کورونا کیسز: برطانیہ نے پاکستان کو ریڈ لسٹ میں شامل کرلیا

Published On 02 April,2021 03:14 pm

اسلام آباد: (دنیا نیوز) کورونا کے بڑھتے کیسز کے پیش نظر برطانیہ نے پاکستان کو ریڈ لسٹ میں شامل کرلیا۔ یوکے نے پاکستانی شہریوں کے وزٹ ویزا پر آنے پر پابندی لگا دی۔

پابندی کا اطلاق 9 اپریل سے ہوگا۔ پاکستان سے آنے والے مسافروں کو 10 دن ہوٹل میں قرنطینہ کرنا ہوگا۔ مسافر کو ہوٹل میں قرنطینہ کیلئے 3 لاکھ 68 ہزار روپے جمع کرانے ہوں گے۔

  دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 83 افراد جاں بحق ہوگئے، جس کے بعد اموات کی تعداد 14 ہزار 613 ہوگئی۔ پاکستان میں کورونا کے تصدیق شدہ کیسز کی تعداد 6 لاکھ 78 ہزار 165 ہوگئی۔

گذشتہ 24 گھنٹوں کے دوران 5 ہزار 234 نئے کیسز رپورٹ ہوئے، پنجاب میں 2 لاکھ 25 ہزار 953، سندھ میں 2 لاکھ 65 ہزار 917، خیبر پختونخوا میں 89 ہزار 255، بلوچستان میں 19 ہزار 610، گلگت بلتستان میں 5 ہزار 45، اسلام آباد میں 59 ہزار 401 جبکہ آزاد کشمیر میں 12 ہزار 984 کیسز رپورٹ ہوئے۔

ملک بھر میں اب تک ایک کروڑ 2 لاکھ 97 ہزار 544 افراد کے ٹیسٹ کئے گئے، گذشتہ 24 گھنٹوں کے دوران 50 ہزار 170 نئے ٹیسٹ کئے گئے، اب تک 6 لاکھ 7 ہزار 205 مریض صحتیاب ہوچکے ہیں جبکہ 3 ہزار 384 مریضوں کی حالت تشویشناک ہے۔

پاکستان میں کورونا سے ایک دن میں 83 افراد جاں بحق ہوئے جس کے بعد وائرس سے مرنے والوں کی تعداد 14 ہزار 613 ہوگئی۔ پنجاب میں 6 ہزار 485، سندھ میں 4 ہزار 504، خیبر پختونخوا میں 2 ہزار 382، اسلام آباد میں 572، بلوچستان میں 209، گلگت بلتستان میں 103 اور آزاد کشمیر میں 358 مریض جان سے ہاتھ دھو بیٹھے۔