تازہ ترین
  • بریکنگ :- عملی طورپروفاقی اورپنجاب حکومت ختم ہوچکی ہے،فواد چودھری
  • بریکنگ :- شریف خاندان بندرکی طرح چھلانگیں لگاناچھوڑے، فواد چودھری
  • بریکنگ :- ملک کو بحران کی دلدل میں مزیدنہ پھنسائیں ،فواد چودھری
  • بریکنگ :- استعفیٰ دیں اورملک کوانتخابات کی طرف لےکرجائیں، فواد چودھری
  • بریکنگ :- راجہ ریاض جیسےشخص کواپوزیشن لیڈربنانےکاتجربہ نہ کریں،فوادچودھری
  • بریکنگ :- الیکشن کی تاریخ دی جائے،فوادچودھری
  • بریکنگ :- نیاالیکشن کمیشن بنائیں اورقابل قبول فریم ورک کےتحت انتخابات کرائیں،فوادچودھری

طویل عرصے بعد ملک معاشی استحکام کی طرف بڑھ رہا ہے: فواد چودھری

Published On 11 June,2021 10:42 am

اسلام آباد: (دنیا نیوز) فواد چودھری نے کہا ہے کہ پاکستان کے تمام معاشی اعشاریے مثبت ہیں، طویل عرصے بعد ملک معاشی استحکام کی طرف بڑھ رہا ہے۔

وفاقی وزیر اطلاعات فواد چودھری نے سماجی رابطے کی ویب سائٹ پر ٹویٹ کرتے ہوئے کہا کہ چاہتے ہیں اپوزیشن احتساب کو اصلاحات سے علیحدہ دیکھے، انتخابی اور عدالتی اصلاحات پر بات چیت ہونی چاہیے۔

معاون خصوصی شہباز گل نے اپنے ٹویٹر پیغام میں کہا کہ تاریخ کے بدترین خساروں کے ساتھ حکومت سنبھالنے کے بعد عمران خان نے معیشت کو ٹھیک کرنے کا بیڑہ اٹھایا، آج بین الاقوامی ادارے پاکستان کی معیشت درست سمت میں آگے بڑھنے کی گواہی دے رہے ہیں، اس بجٹ کا محور عام آدمی کی زندگی میں آسانی پیدا کرنے کے اقدامات ہوں گے۔

ادھر سینیٹر فیصل جاوید کا سماجی رابطے کی ویب سائٹ پر ٹویٹ کرتے ہوئے کہنا تھا کہ اوورسیز پاکستانیوں کو ووٹ کا حق دینے کا بل قومی اسمبلی سے منظور ہونا خوش آئند ہے، یہ ہمارے اور سیز کا حق ہے، اپوزیشن کی بل کی مخالفت سے یہ آشکار ہے کہ وہ صرف ذاتی مفاد کی قانون سازی چاہتے ہیں، اپوزیشن عوامی قانون سازی پر بارگین چاہتی ہے۔

فیصل جاوید نے مزید کہا کہ اوور سیز ووٹنگ کا بل سینیٹ سے بھی منظور ہو جائیگا، اپوزیشن جماعتوں نے اپنے ادوار میں صرف اپنا ہی سوچا، ماضی میں بیرون ملک محب وطن پاکستانیوں کو اپنا سرمایہ نہیں سمجھا گیا، عمران خان جو کہتے ہیں وہ کر کے دکھاتے ہیں۔