تازہ ترین
  • بریکنگ :- نوشہروفیروز:پولنگ کچھ دیرکیلئےروک دی گئی،پولیس کی اضافی نفری طلب
  • بریکنگ :- کندھ کوٹ:جے یو آئی (ف) اور پیپلزپارٹی کےکارکنوں میں جھگڑا
  • بریکنگ :- کندھ کوٹ:تصادم کاواقعہ میونسپل کمیٹی وارڈنمبر 10 میں پیش آیا
  • بریکنگ :- کندھ کوٹ:ڈنڈےلگنےسے 30 کارکن زخمی،متعددگاڑیوں کونقصان
  • بریکنگ :- کندھ کوٹ:پولیس کی بھاری نفری موقع پر پہنچ گئی
  • بریکنگ :- نواب شاہ:پولنگ اسٹیشن نادرشاہ ڈسپنسری میں ہنگامہ آرائی
  • بریکنگ :- بیلٹ پیپرمیں ایک سیاسی جماعت کانشان نہیں ہے،مظاہرین
  • بریکنگ :- نواب شاہ: ہنگامہ آرائی کے باعث پولنگ روک دی گئی
  • بریکنگ :- نواب شاہ: پولیس اور رینجرز کی بھاری نفری تعینات
  • بریکنگ :- نوشہروفیروز:بھریاسٹی میں ووٹرزکےدرمیان تصادم

’ورکنگ باؤنڈری،کنٹرول لائن،افغان سرحد پربہترین آپریشنل تیاریاں رکھی جائیں‘

Published On 15 June,2021 08:49 pm

راولپنڈی: (دنیا نیوز) پاک فوج کے سپہ سالار جنرل قمر جاوید باجوہ نے عسکری حکام کو ہدایت کی ہے کہ ورکنگ باؤنڈری، کنٹرول لائن اور پاک افغان سرحد پر بھی بہترین آپریشنل تیاریاں رکھی جائیں۔

آرمی چیف نے یہ ہدایت فارمیشن کمانڈرز کانفرنس کے اجلاس میں شرکا سے خطاب میں دی۔ آئی ایس پی آر کے مطابق جنرل قمر جاوید باجوہ کی سربراہی میں دو روزہ فارمیشن کمانڈرز کانفرنس منعقد ہوئی جس میں کور کمانڈرز، پرنسپل سٹاف افسران اور فارمیشن کمانڈرز نے شرکت کی۔

کانفرنس کے شرکا کو ملکی سیکیورٹی صورتحال، قومی سلامتی کو درپیش چیلنجز اور خطے کی موجودہ صورتحال پر بھی بریفنگ دی گئی۔ افغان امن عمل میں پاکستان کی حمایت اور سرحد پر سیکیورٹی اقدامات سے بھی آگاہ کیا گیا۔

آئی ایس پی آر کے مطابق شرکا کو چیلنجز سے نمٹنے کی حکمت عملی سے متعلق بھی آگاہ کیا گیا۔ کانفرنس کے شرکا نے پیشہ ورانہ امور پر تفصیلی غور کیا۔ اس موقع پر دنیا میں مختلف افواج کے زیر استعمال جدید ترین ملٹری ٹیکنالوجی پر بھی بریفنگ دی گئی۔

فارمیشن کمانڈرز نے مشرقی سرحد اور مقبوضہ کشمیر کی صورتحال پر غور کرتے ہوئے سلامتی کونسل کی قراردادوں کے تحت کشمیریوں کے حق کی مکمل حمایت کا اعادہ کیا۔ عسکری حکام نے دہشتگردی کیخلاف جنگ میں قربانیاں دینے والے قبائلیوں کو خراج عقیدت بھی پیش کیا۔

پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ نے ملک میں استحکام کے لیے آپریشنز پر اظہار اطمینان کرتے ہوئے کہا کہ فوج ملکی دفاع اور عوام کی خدمت ہر صورت جاری رکھے گی۔

آرمی چیف نے اجلاس کے دوران اپنے خطاب میں کورونا وائرس، ٹڈی دل اور پولیو کے خاتمے کیلئے فارمیشنز کے کردار کو سراہا۔ جنرل قمر جاوید باجوہ نے کھیل اور تربیت میں بہترین کارکردگی پر منگلا اور ملتان کورز کو ٹرافیاں دیں۔