تازہ ترین
  • بریکنگ :- الیکشن کمیشن بلدیاتی انتخابات میں ای ایم وی کےاستعمال کاوعدہ نبھائے،شبلی فراز
  • بریکنگ :- الیکشن کمیشن کاکام ہےوہ جیسےچاہےمشین حاصل کرے،شبلی فراز
  • بریکنگ :- ای وی ایم کےحوالےسےوزارت نےاپناکام مقررہ وقت پرکیا،شبلی فراز
  • بریکنگ :- ہم نےالیکشن کمیشن کی ڈیمانڈ کےمطابق مشین بنائی،شبلی فراز
  • بریکنگ :- جس مشین کاانتخاب ہوگااس کاعالمی ٹینڈرجاری ہوگا،شبلی فراز
  • بریکنگ :- ہماری حکومت کامقصدکوئی خاص مشین نہیں،شبلی فراز
  • بریکنگ :- قانون بن چکا،2023 کےانتخابات ایم وی ایم پرہوں گے،شبلی فراز

بیگم وزیراعلی پنجاب نے اپوا کالج میں پودا لگا کر ”پلانٹ فارپاکستان ڈے“ مہم کا آغاز کر دیا

Published On 29 July,2021 01:53 pm

لاہور: (دنیا نیوز) وزیراعلیٰ پنجاب سردار عثمان بزدار کی اہلیہ بیگم صوفیہ عثمان نے گورنمنٹ گریجوایٹ اپوا کالج میں شجر کاری مہم کے سلسلے میں پودا لگایا، ان کا کہنا ہے کہ شجرکاری کے ذریعے آئندہ آنے والی نسلوں کے مستقبل کو محفوظ اور بہتر بنایا جاسکتا ہے۔

وزیراعلیٰ عثمان بزدار کی اہلیہ بیگم صوفیہ عثمان نے ربن کاٹ کر گرلز کالجز میں ”پلانٹ فارپاکستان ڈے“ مہم کا باقاعدہ آغاز کیا۔ بیگم وزیراعلی پنجاب صوفیہ عثمان کا کہنا تھا کہ پودے لگانا سنت رسولؐ اور کار ثواب ہے، درخت لگانا صدقہ جاریہ ہے جس کے اثرات مدتوں برقرار رہتے ہیں۔ طلبہ کو بھی شجر کاری مہم میں حصہ لے کر قومی ذمہ داری نبھانی چاہیے-

بیگم صوفیہ عثمان کا کہنا تھا کہ طالبات کا شجرکاری مہم میں حصہ لینا خوش آئند امر ہے، درخت خود دھوپ جھیلتے ہیں اور دوسروں کوسایہ فراہم کرتے ہیں۔ ماحولیات کے تحفظ اور جنگلی حیات کی بقاء کے لئے شجر کاری کی اہمت مسلمہ ہے۔

بیگم صوفیہ عثمان نے کالج ایڈیٹوریم میں سٹاف کے ساتھ کیک بھی کاٹا، پرنسپل گورنمنٹ اپوا کالج نائمہ خورشید، ڈائریکٹر کالجز اور کالج کی اساتذہ بھی اس موقع پر موجود تھیں۔