تازہ ترین
  • بریکنگ :- پاکستان کودوبارہ ترقی کی راہ پرلےکرجائیں گے،احسن اقبال

افغان صورتحال: پیپلزپارٹی کا قومی سلامتی کمیٹی کا اجلاس بلانے کا مطالبہ

Published On 02 August,2021 11:34 am

اسلام آباد: (دنیا نیوز) پاکستان پیپلزپارٹی نے افغانستان کی صورتحال پر قومی سلامتی کمیٹی کا اجلاس بلانے کا مطالبہ کر دیا۔

پاکستان پیپلزپارٹی کے رہنما نیئر بخاری نے اپنے بیان میں کہا کہ افغان صورتحال پر حکومت کی خاموشی انتہائی افسوسناک اور قابل تشویش ہے، حکومت کی اس طرح خاموشی کے خطرناک نتائج نکل سکتے ہیں، حکومت افغانستان کی صورتحال کے پیش نظر اپنی حکمت عملی واضح کرے، قومی سلامتی کمیٹی کا اجلاس عید سے قبل ہونا تھا جو تاحال نہیں ہو سکا۔

نیئر بخاری کا کہنا تھا کہ حکومت سنجیدگی کامظاہرہ کرے، صورتحال کو نظر انداز کرنا مناسب نہیں ہوگا۔