تازہ ترین
  • بریکنگ :- برسلز:وزیرخارجہ شاہ محمودقریشی کی نیٹوکےسیکرٹری جنرل سے ملاقات
  • بریکنگ :- دوطرفہ تعاون اورافغان صورتحال سمیت علاقائی امورپرتبادلہ خیال
  • بریکنگ :- افغانستان میں انسانی بحران تشویشناک ہے،شاہ محمودقریشی
  • بریکنگ :- عالمی برادری افغان عوام کی معاونت کیلئےسنجیدہ کوششیں کرے،وزیرخارجہ

وزیراعظم کی زیر صدارت ملک میں اعلیٰ تعلیم کے فروغ کے حوالے سے جائزہ اجلاس

Published On 31 August,2021 12:05 pm

اسلام آباد: (دنیا نیوز) وزیر اعظم کی زیر صدارت ملک میں اعلیٰ تعلیم کے فروغ کے حوالے سے جائزہ اجلاس ہوا، جس میں عمران خان کو سیالکوٹ انجنیئرنگ یونیورسٹی کے قیام پر پیشرفت سے آگاہ کیا گیا۔

وزیراعظم کو دی جانے والی بریفنگ میں بتایا گیا کہ یونیورسٹی کے منصوبے کے لیے ایکنیک منظوری دے چکی ہے، سیالکوٹ انجینیرنگ یونیورسٹی وفاق اور حکومت پنجاب مشترکہ طور پر قائم کرے گی، جس کے لیے آدھی رقم اور زمین حکومت پنجاب مہیا کرے گی۔

بریفنگ میں مزید بتایا گیا کہ آٹھویں، نہم اور دہم جماعتوں کے نصاب میں سیرت النبیؐ کی تعلیمات شامل کی جا رہی ہیں، ان جماعتوں کے لیے نئے نصاب کا اجرا جلد کر دیا جائے گا۔ اس موقع پر وزیراعظم نے کہا کہ نوجوانوں کی صلاحیتوں کو اجاگر کرنے کے لیے جدید علوم میں اعلی تعلیم کلیدی حیثیت رکھتی ہے، حکومت اس پہلو پر بھرپور توجہ دے رہی ہے، وفاقی حکومت اعلی تعلیم کے فروغ کے لیے ہر ممکن مدد فراہم کرے گی۔