کنٹونمنٹ بورڈ کے 12 ستمبر کو ہونیوالے الیکشن کےلیے پشاور کے وارڈ تھری میں گہما گہمیاں عروج پر ہیں۔ علاقے میں 12 امیدواروں کے درمیان پنجہ آزمائی ہوگی۔

وارڈ تھری میں تحریک انصاف کے وارث آفریدی، پیپلز پارٹی کے محمد عثمان، مسلم لیگ نون کے مرزا حسیب الرحمان، اے این پی کے فیضان خان، جماعت اسلامی کے نذیر احمد، اللہ اکبر تحریک کے رضوان خالد، پاکستان راہ حق پارٹی کے قاضی عدنان الحق سمیت 5 آزاد امیدواربھی قسمت آزمائی کرینگے۔

وارڈ تھری میں 9 ہزار 992 ووٹرز اپنا حق رائے دہی استمال کرینگے، جس میں مرد ووٹرز کی تعداد 5 ہزار 364 جبکہ خواتین ووٹرز 4 ہزار 458 ہے۔ ووٹرز بھی امیدواروں سے درپیش مسائل کے حل کیلئے پر امید ہیں۔ کنٹونمنٹ بورڈ انتخابات کیلئے امیدواروں کی جانب سے مختلف علاقوں میں مہم سمیت پارٹی کیمپ آفس بھی قائم کئے ہیں۔