تازہ ترین
  • بریکنگ :- اس حکومت میں لوگوں کی تنخواہیں کم،مہنگائی بڑھ رہی ہے،سعیدغنی
  • بریکنگ :- ملک پرمسلط کی گئی حکومت کی سزاعوام بھگت رہےہیں،سعیدغنی
  • بریکنگ :- حکومت ڈالرکی قیمت بھی 250 پرلےکرجائےگی،سعیدغنی

کنٹونمنٹ انتخابات میں عوام نے وزیراعظم پر بھرپور اعتماد کا اظہار کیا: فرخ حبیب

Published On 13 September,2021 11:02 am

اسلام آباد: (دنیا نیوز) فرخ حبیب نے کہا ہے کہ کنٹونمنٹ انتخابات میں عوام نے ملک گیر وزیراعظم عمران خان پر بھرپور اعتماد کا اظہار کیا۔

وزیر مملکت فرخ حبیب نے سماجی رابطے کی ویب سائٹ پر ٹویٹ کرتے ہوئے کہا کہ ایک بار پھر پی ٹی آئی سب سے زیادہ نشستوں کے ساتھ سرفہرست بلکہ واحد قومی پارٹی کے طور پر ابھر کر سامنے آئی، جس نے تمام صوبوں میں نمائندگی حاصل کی ہے، مسلم لیگ ن اور پیپلز پارٹی سکڑ کر علاقائی جماعتیں بن چکی ہے۔

فرخ حبیب کا کہنا تھا کہ بلوچستان میں مسلم لیگ ن ایک بھی سیٹ نہ جیت سکی، سندھ میں مسلم لیگ ن کا پانچواں نمبر رہا، پیپلز پارٹی پنجاب اور بلوچستان میں ایک بھی سیٹ حاصل نہ کرسکی۔